Клиенттің Miles Johnson Jr. пікірлері

Биоыдырағыш деген соң, үш-төрт жыл болды, дәл осы қаптарды алып жүрмін. Сапасы жаман емес. 10 литрлік шелектерге саламын: бірі күнделікті ас ішкеннен кейін қалатын жұмсақ қалдықтарға, екіншісі қатты тұрмыстық қалдықтарға, үшіншісі балалардың сабақ оқитын үстелдерінің жанында тұратын қағаз қалдықтары үшін қолданылады. Менің талабымды толық ақтайтын жақсы қоқыс қаптары деп есептеймін. Әрине, соншалықты қалың, әрі мықты емес. Дегенмен, 10 л шелектен шығатын ас қалдықтарын қоқысқа дейін шашпай апаруға қауқары жетеді. Үшкір заттармен байқамай жыртып алмасақ, жүк түскеннен жыртылған емес. Ең бастысы, егер шынымен де биоыдырағыш болса, экологияға пайдасы мол.

Бес баланың анасы ретінде осы майлықтарға өте ризамын. Ұнады. Жұқа болса да, өз қызметін керемет атқарады. Майды да, өзге сұйықтықты да жақсы сіңіреді. Баланың бет-аузын таза ұстау үшін таптырмас өнім. Әрі бағасы өте-өте тиімді.

Бес бала, ата-анасы, арасында келетін қонақ, сонымен бірге өзге де шаруада күнделікті қолданылса да, бұл майлықтың бір орамы 3 айға жетті. Осындай тұрмысқа аса қажет, әрі сапалы тауарларды ұсынатын “Флип” дүкеніне алғысым шексіз! Гүлдене беріңіздер!

Өте сапалы, ыңғайлы. Көп орын үнемдейді, сақтауға жақсы. Пластигі де, силиконы да ұстағанға сүйкімді. Түсі әдемі. Керемет кәкпір!

Керемет контейнерлер! Пластигі сапалы, бөтен иіс жоқ, түстері қанық. Ыдысжуғыш машинада жууға болады және жуылған соң пластик майысып кетпейді.
Ет сатып алғаннан кейін, бірден турап қойып, контейнерлерге салып тастаймын. Целлофанның орнына. Ыңғайлы. Экологияға да пайдасы зор. Ұсынамын.

Бес баланың анасы ретінде осы өнімді сенімді түрде ұсына аламын. Балаларымның жасы кішкентай болғандықтан, күнделікті кір жууға тура келеді. Үнемі түрлі дақтармен күресемін. Бұл сабын бәрін оңай әрі тез кетіреді. Әсіресе ақ киімдердің түсін керемет ашады. Нағыз дақкетіргіш іспетті. Дүкендегі қарапайым қара сабындардан әлдеқайда артық. Иісі тамаша, суда іріп кетпейді. Өте сапалы, үнемді әрі әдемі сабын.

Маған өте ұнады😍. Силиконы мықты әрі қалың, ауыр салмақты оңай көтереді. Бүктелген күйінде көп орын үнемдейді. Түсі қанық, бөтен иіс жоқ, сапалы. Киім жуғанға да, ішіне кейбір заттарды салғанға да ыңғайлы. Ұсынамын.

Өте сапалы, сүйкімді шұлықтар. Маған да, балаларыма да ұнап қалды. Бес жасар қызым күні бойы бақшада болғандықтан, қалың да емес, жұқа да емес, суықта тоңдырмайтын, ыстықта терлетпейтін шұлық керек. Бұл өнім осы талаптарға сай болды. Әрі құрамы табиғи. Түстері де әдемі😍 Жалпы, соңғы кезде Белорус өнімдері ұнап жүр. Ұсынамын!

Керемет өнім! Өте сапалы, үнемді қағаз сүлгілері. Төрт ай бұрын сатып алсам да, әлі орамның жартысына да жеткен жоқпын. Ең бастысы - суда еріп кетпейді. Сондықтан, қол сүртуден бөлек, дәретханадағы сантехниканың бетін жуып алып, кейін лақтыра салам. Залалсыз әрі ыңғайлы. Үй шаруасындағы таптырмас зат. Ұсынамын.

Хотела хранить обувь мужа, но 44 размер (даже туфель) в эту коробку не вмещается ни по длине, ни по ширине. А для хранения моей обуви идеально подходит.