Отзывы Dina Metz клиента

Өте тамаша кітап!

Автор барлығын жақсы түсіндірген екен!

Шыны керек қуанышпен сатып алдым. Алайда Ислам дінін ұстанатын адамдарға оқудың қажеті жоқ екен. Бірінші оқиғасынан бастап-ақ Ислам дінін жаман етіп көрсеткен. Жарайды басқа оқиғалары жақсы шығар десем, барлығында Буддизмді дәріптеген. Монахтар өте керемет, монтахтар ғана жақсы деп. Әрине кітап өте жеңіл жазылған. Кітаптың идеясы да әдемі. Бірақ өзге дінді таптау арқылы жазылған кітапты оқып өз абыройымды түсіргім келмеді. ЕШҚАШАН кеңес бермес едім. Алғаныма өкініп қалдым. Қазір амал жоқтан кәуәп істейтін кезде қолданамын.

Бұрын оқығанмын. Тек тағы да оқығым келді. Бұл жолы басқа баспаның басқа кітабын алдым. Мына баспаның кітаптары ТОП. Алуға кеңес беремін. Беттері әдемі, сырты қалың. Ал кітаптың өзіне келетін болсақ, кітап тамаша. Екінші рет бекерден бекер оқиын деп жатқан жоқпын)

Джейми Вардидің кітабындай әсер қалдырмады. Себебі эмоцияны қатты бере алмады кітап. Ал былай өмірбаяны қызық. Тез оқылды. Кейде бір оқиғаны созып, барынша бергені де дұрыс па еді деп қоямын. Жалпы кітап жақсы.

Керемет кітап!

Баланың қаржылық сауатын ашады.

Бағасына сай. Арзан әрі сапалы. Алуға кеңес беремін.

Шыны керек қызылы көбірек ұнады. Жасылын онша қолдана алмадым. Ұнамады. Бәлкім басқаларға ұнайтын шығар, алайда дәл осы нұсқасы көңілімнен шықпады. Ал қызыл нұсқасын тағы да алуға деген ниетім бар.

Барлық адамға ұнай бермейтіні сөзсіз. Жалпы жақсы. Кейде тамаққа қолданатыным болмаса, жиі қолдана алмадым. Өзінің бір дәмі аса ұнамады. Ащылығы алайда басқа ащылардан жақсы жағынан қарайтын болсақ мүлде өзгеше.

Кітаптың сапасы жақсы. Жазылғаны да жеңіл әрі түсінікті.

Жалпы айтарлықтай кемшілік таба алмадым. Себебі кітаптың оқиғасы басқа оқиғаларға ұқсамайды. Тіпті мұнда философиялық, психологиялық және т.б. ғылымдардың қосындысы десек те болатын шығар. Себебі кітапты оқып біткен соң біраз ойға шомылдым. Не жақтарыңды білмейсің, не даттарыңды білмейсің. Кейде басты кейіпкермен келісесің, кейде істеріне көңілің толмайды. Бір сөзбен айтқандай оқырманды бей-жай қалдырмай, өзімен бірге алып кетеді. Адам өлтіру болған соң сол жерлері аса қатты ұнамады. Алайда басты сюжеті адам өлтіру болмаған соң автордың ол қадамдарына көнуге болады. Басқаларға оқуға кеңес бермеймін дегеннен гөрі, беремін дегенімнің пайызы жоғарылау. Соның өзінде ауыр оқиғалы кітапты өздігімнен оқыңдар деп айтуға батылым жетпейді. Жалпы кітап өзіме ұнады. Сюжетіне қоярым 10-нан 10. Жазылуына да 10-нан 10, себебі барлығы түсінікті жазылған. Алған әсерім де жетерлікті, алайда сол кей жағымсыз жақтары үшін әсерге 10-нан 9 қоямын.

Пайдалы ақпарат өте көп. Кітаптың жасалғанының өзі бір керемет. Әдемі қаріптер, бояуы, орналасуы. Атына заты сай деген осы шығар.

Кейбір жерлерінде мыжып кеткен, кей жерлерін айтпай тез өтіп кеткен секілді.

Ең бастысы түтсердің айырмашылығы мен мәтіннің орналасуын үйренгеніме осы кітапқа рахметімді айтамын. Мен үшін үлкен жетістік. Ал басқа берген ақпараттары аса қатты ұнамады немесе көзге түсетіндей емес десем де болады. Жалпы кітаптың сапасы мен бағасы өзіне тән. Бір сөзбен жақсы кітап.

Сапалы жасалған.

Маған ұнады. Жақсы!

Қызықты жазылған, парақтары өте сапалы, суреттері керемет.

Кітап жайлы берілген ақпараттарына қарайтын болсақ барлығы орынды.

Бұл кітап көбінесе жаттығуларға арналған соң Бекхэм жайлы ақпарат молынан емес. Кітаптың өзі де автобиография болмаған соң еш ренішім жоқ. Мен тіпті іші толықтай жаттығулар бола ма деп едім, жоқ, арасында Бэкхэмнің өзі баяндайтын аздап өмірбаяны да бар. Сол үшін кітапқа тағы да бөлек құрмет.

Басқа футболисттің осындай құр жаттығулар кітабы сатылып жатса, ешқашан алмас едім. Тек Бекхэмнің фанаты болған соң алған жайым бар. Оның үстіне жаттығулардан бір пайда алам деп те ойламадым. Себебі ішінен пайдалы нәрселер алуға болады әрине, алайда көбінесе базалық жаттығулар. Өзіме 2-3 нәрсені түртіп, әлі де қолданып келемін.

Кітапты тек Бекхэмнің фанаттары алса болады. Оларға 100 пайыз ұнайтыны сөзсіз. Ал былай жаттығулар жасаймын деп алатын адамдарға керек емес деп едім.

Вардидің чемпион болған маусымын өзім жеке бақылаған соң кітап ішіндегі ақпараттар маған жаңа болған жоқ. Себебі кітаптағы әрбір гол сипатын, трансферлер, әр түрлі оқиғалар жайлы да мен оған дейін барлығын білдім.

Алайда ол голды қандай сезіммен салды, ол голдан кейін ол қандай сезімде болды секілді мағлұматтар маған өте қызық көрінді. Одан бөлек бала кездегі сәттері, қалай қиындықтардан өткені. Кәсіптік футболға кеш қадам басқандарының ашық түсіндірмесі оқырманға да қызық болары анық.

Кітап толықтай футбол бағытында болған соң, футболдан тым болған оқиғалар жайлы Вардидің өзі ұзақ тоқталып өтпейді. Оның да жөні бар. Себебі бұл әрбір махаббат сезімдерін баяндап отыратын кітап емес, бірақ ол оқиғаларында өте қысқа әрі қызықты етіп жеткізеді.

Кітапқа 10/10 деген баға беремін. Өзім ешқандай тарауында жалықпадым. Әдемі кітап!

Кітаптың сапасы өте жақсы. Сырты да керемет қапталған, парақтары да өте сапалы. Жай қолға ұстағанның өзі рахат!

Кемшлігі не артықшылығын бетке басып айта алмаймын. Кітаптың ішіне келетін болсақ кәсіп, уақыт, өмірлік кәсіпте болатын жағдаяттар туралы жазған. Кітаптан үйренетін нәрсем шыны керек аз. Ары кетсе 10 пайызы жаңа нәрсе болған шығар, ал қалған 90 пайызы өзім білетін заттарым екен.

Соның өзінде сол 90 пайыз білетін нәрсемді мен білмегендей етіп түсіндіріп, жаңа ой сала білгені өзіме ұнады. Себебі кезінде 10 км жолды ентікпей жүгірген адам, келесі жылы жаттығуларсыз сол 10 км-ның жартысында жүгіре алмай қалуы мүмкін. Дәл сол секілді осы кітапта соның бәрін қайтадан қайталау болып көрінді.

"Уау",-дейтін кітаптардың бірі емес. Алайда жаман емес! Жақсы! Қайта-қайта оқыған сайын, жаңа нәрсе бере алатыны анық.

Бөлім-бөлім оқиға болса да толық оқиғаны аша білді. Әрбір оқиғаның соңындағы цитатасы да орынды қойылған. Ой түйетін нәрселер көп, ал ой түймейтін кездері жай оқиғаның қызықтығымен сені алып кетеді. Өзіме екінші рет оқуға кеңес беремін және өзгелерге де!

Айтарлықтай кемшілік таба алмадым. Бәрі жақсы!

Кітап өзіне келсек сапасы жақсы, парақтары да жақсы жазылған. Қаріптері де көзге жағымды.

Не ұнамады дей алмаймын, не ұнады да дей алмаймын. Әрине интрига кітаптың соңына дейін болды. Соңғы интригалы сәттер қызық оқиғамен өз-өзін ақтай алды. Сюжет те стандартты емес жазылған, таң қаларлық сәттер де жеткілікті.

Автор "под чем то" жазған секілді деген кітаптардың бірі шығар. Себебі жеке өзіме оқиға өте ұнады, өте қызықты, әсіресе соңғы бөлімдері. Алайда оқиғаның сюжеті ұнамады да дей аламын. Парадокс емес не енді?!) Жалпы өзіме ұнай тұра, басқаға оқуға кеңес бермес едім)))

Кітаптың сапасы жаман емес, алайда 2-3 рет оқыған соң мыжылуы мүмкін, сырты қатты әрі іші офсет болғаны жақсырақ деп ойлаймын. Алайда оның бағасы 2 есе болғандықтан жай оқуға осы сапа да жеткілікті.

Кітаптың оқиғасына келетін болсақ, артық еш дей алмаймын. Барлығы керемет! Кітап сабырлыққа, көзқарасқа, адамның қалай ойлауына, жалпы интрига үстінде сақтай біледі.

Ұнамаған жері жоқ. Тек кейбір бөлімдер ұятсыздау болды демесем, жалпы оқырманға өте жеңіл берілген.

Алу керек және оқу керек деген кітаптардың бірі десем болады.

Жалпы қызық. Аяғына дейін оқып жалыға қоймадым. Барлығын бір деммен оқыдым десем де болады. Автордың әр түрлі кейіпкерлермен осындай оқиға жазғаны шынында жақсы. Басында қателермен жазу деген қызық идеялардың бірі.

Алайда түбегейлі оқып шыққан соң, соңында бір керемет нәрсе болады деп күттім. Кітаптан бір үлкен мағына көре алмадым. Әрине мағына бар, алатын нәрсе де бар. Сонда да түртіп кететін, есте сақтап өмірлік пайдасын бере нәрсені ала алмадым. Екінші рет оқы десе оқымас едім.

Кітаптың сырты да, іші де сапалы. Көзге жағымды қаріп.

Кітаптың келуі:
- Мен ойламағаннан да жылдам келді.

Кітаптың сапасы:
- Жалпы шығарылым баспаға шағымдану керек-ау деймін. Себебі парақтары өте жұқа, тіпті оқып жатқан кезде артқы бетінің сөздері көрініп тұрады. Ал қаріптеріне қолың тиіп сипап жіберсең, көмір жағылғандай сол беті сұр болып кетеді. Оқыған кезде абайлап, тек шеттерінен ғана ұстап оқыдым! Қиын иә?!)

Кітаптың мазмұны:
- Үлкен оқиға болады ма деп ойладым. Алайда бөлім-бөлім болғаны да қызық екен. Үйренетін нәрселер де бар, үйренуге мүлде келмейтін нәрселері де бар екен. Жалпы ол жағынан ұнады. Тек сапасы ғой онша болмай тұрғаны.

Хорошо упакован. Отлично работаете! Спасибо) Красивая книга)