Балапанның дәптері: Менің айналамдағы заттар. 2-3 жас

«Менің айналамдағы заттар» басылымы – қоршаған ортамен танысу бойынша «Балапанның дәптері: 2–3 жас» топтамасына енетін үш құралдың бірі.
Бұл құралда қарапайым, ойын түрінде баланың жақын маңайындағы заттармен, олардың неге арналғандығымен және олармен не істеу керектігімен таныстыратын материал ұсынылған. Құралдағы тапсырмаларды орындау кезінде баланың сөздік қоры байып, белсенділігі артады. Оның түрлі заттар: үй керек-жарақтары (киім, баскиім, аяқкиім, ыдыс-аяқ, жиһаз), ойыншықтар, еңбек құралдары, көлік түрлері туралы түсініктері қалыптасады. Бала заттарды танып-білуді және атауды,
олардың арасындағы қарапайым байланыстарды анықтауды, сондай-ақ заттарды олардың сырт көріністері, неге арналғандығы бойынша топтастыруды, т. б. үйренеді.