Лауазымсыз көшбасшы

Өмірде қандай да бір қиыншылыққа кез болмайтын адам жоқ шығар. Алайда бір сүрінгеннен тұра алмай, тағдыры бүлініп жүрген жандар қаншама. Өз тағдырының қожасы бола білген адам болашақта дұрыс таңдау жасап, өз бойынан небір қиындықты жеңуге жетерлік күш-қуат табатыны ақиқат. Өмірін өзгерту де, оны жақсарту да адамның өз қолында. Канадалық жазушы Робин Шарма бұл туындысында осы ақиқаттың астарына үңіліп, өмірде және бизнесте шынайы жетістікке жету арқылы бақытты болудың сырын оқырманын сендіре баяндайды. Жазушы кез келген адамның атақ-дәрежесі, байлығы, тамыр-танысы болмаса да, табысқа жетіп, көшбасшы бола алатынын кейіпкерлерінің басынан кешкен оқиғалары арқылы қарапайым тілмен жеткізеді.