Бағдарсыз өзенде

Жас жігіттің өзінің тар әлемінен үлкен өмірге аттануы өзенде салмен жүзуден басталады. Повесте нақ өзен адамның өмірі іспетті, ал адамның өзі әлеуметтік тіршілік иесі ретінде көрінеді. Еңбекқор, дана, қайырымды жандар повестің жас кейіпкерін өмірдің мәні туралы ойлануға мәжбүр етеді. Тағдыр жолықтырған осындай адамдардан кейіпкер жанқиярлық пен батылдықты үйренеді, өзара көмек пен бір-біріне демеу болу, мейірім, қайырым мен мәрттік нағыз адамға тән асыл қасиеттер екенін түсінеді. Повестің құрылымы өзгеше. Ол кейіпкердің өткенін, балалық, жастық шағын еске алу түрінде берілген. Осының барлығы айналадағы табиғат суретімен, жанындағы адамдардардың тағдыры туралы ойларымен біртұтас көркемдік үйлесім тапқан. Автор өмірдің мәнін түсінудің маңыздылығын, ал адам жер бетіндегі ең қымбат құндылық екенін тағы бір рет оқырманның есіне салады.