Көк белес

«Көк белес» романы — Қытайда тұратын қазақтың даңқты жазушысы, Қытай мемлекеттік сыйлығының иегері Оразхан Ахметтің сүбелі шығармаларының бірі. Бұл роман 1997 жылы Қытайда жарық көрді. 2009 жылы екінші мәрте басылып шықты.

Романның негізгі арқауы он жылға созылған «Мәдениет төңкерісі» деп аталатын ішкі былықпалықтың қарапайым халықтың өмірі мен рухани дүниесіне салған ойраны мен қасіретін бүкпесіз көрсету. Бұл кезеңде де найза ұшы ең алдымен ғылым мен мәдениетке үлес қосуды мақсат еткен алғабасар зиялыларға тиді. Міне, осы желікпе ұранның дүрмегіне ілескен бұқара, тіпті ауылдарда қызмет еткен қарапайым кәсіби зиялыларды да орға жықты. Романдағы бар оқиға — автордың көзбен көрген, бастан кешкен өмір шындығы. Кітап қалың оқырманға арналған.