Алтайкөй қазақтары

Түркияға 1952 жылы жетіп, 2-3 жылын босқындар лагерінде өткізген қазақтардың Алтайкөй ауылына қоныстанғанына биыл тура 70 жыл толады. Бұл еңбек сол айтулы оқиғаға арна- лады. Деректі фотосуреттер, карта, қолжазбалар да ескі күндердің айғағы. Алтайкөй — Түркиядағы 35 мың ауылдың ішіндегі бірден-бір таза қазақ ауылы, үлкен теңіздегі шағын қазақ аралы іспетті. Бұл кітапта Түркиядағы қазақтардың табантірер қонысы — Алтайкөй ауылының өткені мен ондағы қандастардың өмірі шынайы мәліметтер мен деректі оқиғалар арқылы өрбиді. Сондай-ақ атажұрттан шетте қалған аз ғана шоғырдың арман-аңсары, мұңы мен сағынышы, ес жиюы, өрлеуі, көркеюі, ассимиляциялана бастауы, қайта тұруы, қазақы болмысы сияқты мәселелерді қаузайды. Шығарманың тілі қарапайым, оқиғалары тартымды. Кітап жалпы оқырманға арналған.