Балаларға арналған хикаяттар

Бұл кітапқа ұлы ағылшын жазушысы Чарльз Диккенстің балаларға арналған «Дэвид Копперфилд», «Оливер Твист», «Тим балақай», «Маркиза» және тағы басқа әйгілі шығармалары енді. Оларда Оливер Твист, Дэвид Копперфилд, Тим және Нелл сияқты кейіпкерлердің басынан кешкендері баяндалып қана қоймайды. Ерекше кітаптың өзгеше тарихы бар. Екі ғасырға жуық уақыт бұрын бұл хикаяттарды ағылшын халқының қыздары мен ұлдары қызыға парақтап, кейіпкерлерімен бірге күліп те, жылап та, суреттерін тамашалай отырып оқыған. Содан бері аз уақыт өткен жоқ, алайда жазушының атын әлемге танытып, даңқын асқақтатқан жауһар туындыларға деген оқырман қызығушылығы бәсеңдеген емес. Зерделі де зейінді оқырман қатарында сендер де барсыңдар деген ойдамыз.