Отырар. Книга-альбом

Белгілі қаламгер, Қазақстан Республикасы Президенті сыйлығының лауреаты Еркін Қыдырдың бұл кітабында еліміздің ежелден-ақ өркениет ордасына айналған Отырар шаһары, оның өткені мен осы өңірдің бүгінгі тынысы туралы сыр шертіледі. Отырардан шыққан ұлы бабамыз Әл-Фарабидің, бабтардың бабы - Арыстан бабтың аңызбен астасқан ғұмыры жасампаздық істерімен, таратқан ілімдерімен ұштастырылып беріледі. Ұлы қолбасшылар - Шыңғыс хан мен Әмір Темір жорықтары заман тұрғысынан ой елегінен өткізіледі. Отырарлықтардың ерлік шайқастары ешкімді де бейжай қалдырмайды. Сонымен қатар Тұрғанбай датқа, Қажымұқан, Өзбекәлі Жәнібеков, Ақжан Машанов, Кемел Ақышев және өзге де Отырармен өзектес тұлғалар туралы материалдар тың мәліметтерге толы.

Сонау тас ғасырындағы ескерткіштерді тілге тиек етуден басталған кітап Отырар ауданының құрылғанына 75 жыл, Ш. Қалдаяқовтың туғанына 80 жыл толатын мерейлі сәт қарсаңында оқырманға жол тартты. Шығарма деректерінің нақтылығымен құнды әрі тартымды, қызғылықты оқылады.

Кітап көпшілік оқырманға арналған.