Процесс

«Әлдекім Йозеф К.-ге жала жапқан болуы керек, өйткені ол заңға қайшы бөтен ештеңе жасамаса да, үй қамаққа алынып отыр. Пәтер қожайыны фрау Грубахтың аспазы күнделікті сағат сегіздер шамасында таңғы асын әкеліп тұрушы еді, бұл жолы келмей қалды. Осыған дейін мұндай жайт болған емес-ті. К. біршама уақыт күтті. Мұның бөлмесіне қарама-қарсы бағытта тұратын кейуана жаққа көз салды, — ол әлденендей бір әуестікпен бұған терезесінен қарап тұр екен. К. қарны ашқанын сезіп, әрі не болғанын түсіне алмай, телефон тұтқасын қолына алды...»