Стив Джобс

Адамзат өміріне өзгеріс жасау үшін не істеу керек? Иә, дұрыс арманыңа адал болу керек. Өмірдегі орнын ең алдымен өзін іздеуден бастап, басын тауға да, тасқа да ұрған, тіпті кей сәттерде адамдық шегінен шығып барып оралып, ақыры, ешкімге ұқсамайтын жол тапқан Стив Джобстың өмір жолы өте қызықты. Тістелген алманың бейнесі бар технология әлемдік сананы өзгертті.
Өзі айтпақшы, Джобс өнер мен технологияны, тіпті поэзия мен технологияны ұштастыра отырып, зор биікке көтерілді. Ол адамдарға не қажет екеніне бас қатырған жоқ, қажет ететін нәрсесін күнібұрын ойлап табуды мақсат етті. Бұл кітапта Уолтер Айзексон Джобстың кемеңгерлік болмысын жан-жақты ашады. Болмысына жұрт түсіне алмайтын кереғарлық тән Джобс бұл кітапта барлық қырынан жарқырай көрінеді. Қазақ оқырманына Стив Джобстың өмірбаяны қазақ тілінде тұңғыш рет ұсынылып отыр.