Барыстың дәптері. Оқу кітабы. 5+. 5 жастан бастап балаларға арналған оқу құралы

Бұл құрал 5 жастан асқан, әріптерді танитын және буын құраудың бастапқы дағдыларын меңгерген балаларда оқу дағдысын қалыптастыруға арналған. Бү­кіл оқыту үдерісі бірнеше кезеңнен тұрады.
Бірінші кезеңде балаларға буындар мен әртүрлі қиындық дәрежесіндегі әріп­тер тіркесін оқу ұсынылады. Жұмыстың бұл түрі оқу дағдысын қалыптастыру­да орасан зор маңызға ие, өйткені оқылғанның мазмұнын түсіну қажетінсіз, оқығанын техникалық өңдеуді көздейді. Бұл кезеңнің мақсаты – балаларды бу­ынды тез тануға және оны күнделікті өмірде сөйлейтін жылдамдыққа жақын жылдамдықпен оқуға үйрету. Бұл нәтижеге қол жеткізу маңызды, себебі сөз­дерді тым баяу оқығанда балалардың көпшілігі дұрыс оқығанның өзінде не оқығанын түсінбейді (соңғы буынды оқып болғанша бастапқы буынды ұмытып үлгереді).