Балапанның дәптері: Шеңбер, шаршы және үшбұрыш. 2-3 жас

«Шеңбер, шаршы және үшбұрыш» басылымы – сенсорлық тәрбие бойынша «Балапанның дәптері: 2–3 жас» топтамасына енетін үш құралдың бірі.
Бұл құралда қарапайым, ойын түрінде баланы бес фигурамен – шеңбермен, шаршымен, үшбұрышпен, тікбұрышпен және сопақшамен таныстыратын материал берілген. 3 – 7 беттердегі тапсырмаларды орындау үшін дидактикалық қосымша парақ-ойындардан қиып алынатын фигуралар (әр пішіндегі бір-бір фигурадан) қажет болады. Оларды балаға көрсете отырып, беттің жоғарғы жағында салынған заттардың қандай фигураға ұқсас екендігін анықтауын сұраңыздар.
Мұнан кейін баланы фигураның атауымен таныстырыңыздар және оған құралдағы тапсырмаларды орындауды ұсыныңыздар. 8 – 10 беттердегі тапсырмаларды орындаған кезде баланың дәл осындай заттарды өз бетінше құрастыруын ұсынуға болады. Бұл үшін қажетті фигураларды түрлі-түсті қатқыл қағаздан алдын-ала қиып, дайындап қою керек. Егер бала негізгі түстермен таныс болса, онда одан әр фигураның түсі қандай екенін сұрауға болады.