«Сызу» пәні бойынша бұл әдістемелік кешен МЖБС-ның 2013 жылғы жаңа бағдарламасына сәйкес құрастырылған төрт жұмыс дәптерінен тұрады.
Авторлар сызудың барлық түрлері оларды орындау мен рәсімдеудің өзіне тән ерекшеліктерін мазмұндаумен тығыз байланыста берілетін ұғынықты әрі жұмыс істеуде жеңіл жұмыс дәптерлерін жасап шығаруды өздерінің басты міндеттері санайды.
Сызбаларды орындау ережелері барлық елдер, дүние жүзі үшін бірдей. Сондықтан, барлық сызбалар, қай елде орындалғанына қарамастан, жұрттың бәріне түсінікті: оларды сатып алады, солар бойынша тұрғын үйлер мен зауыттар, әскери бекіністер мен көпірлер салады, соларға қарап станоктарға, машиналарға, ұшақтарға, т. б. арналған тетікбөлшектер дайындайды. Жұмыс дәптерлерін әзірлеу үдерісінде авторлар мәтіндік ықшам баяндау ауқымды және алуан түрлі практикалық материалмен үйлесімділікте болуы тиіс деген ұстанымды басшылыққа алды.
Жұмыс дәптері – сызудан қазіргі қолданыстағы бағдарламаға сәйкес құрастырылған және мектеп оқулығына қосымша болып табылатын дидактикалық құрал. Бағдарламалық материал дәптерлерде логикалық реттілікпен түгел көрініс берген.
Бірінші дәптерде сызбаларды рәсімдеу, геометриялық сызу бойынша тапсырмалар, сызу техникасы бойынша ұтымды тәсілдер және проекциялаудың кейбір түрлері бойынша тапсырмалар мен ұсыныстар берілген.
Екінші дәптерде геометриялық денелер мен модельдердің проекциялары, көріністері, қималары мен тіліктері бойынша практикалық материал қарастырылып, берілген.
Үшінші дәптерде қималар мен тіліктердің алуан түрі бойынша, біріктірме және құрастырма сызбалар бойынша тапсырмалар мен жаттығулар топтастырылған.
Төртінші дәптерге бөлшектердің сұлбасы, топографиялық және құрылыс сызбалары бойынша тапсырмалар мен тест жаттығулары енгізілген.
Барлық графикалық және теориялық тапсырмаларды ойдағыдай орындау үшін және оқу материалын есте берік сақтау үшін оқушыларға тақырыптар мен орындалатын тапсырмаларды зерделеуде логикалық реттілікті сақтауға, өтіп жатқан тақырып пен алдыңғы тақырыптар арасындағы өзара байланысты таба білуге кеңес беріледі.
Естеріңде болсын, егер жұмыс дәптерінде келтірілген теорияны зейін қойып талдайтын, тапсырмаларды мұқият орындайтын болсаңдар, онда сызбаларды түсініп, оқи білуді, оларды сауатты әрі әдемі орындай білуді міндетті түрде үйренесіңдер.
Издательство «8 & 8» — это многофункциональная компания, которая занимается созданием и изданием разнообразной продукции на казахском и русском языках. Наше разностороннее портфолио включает в себя учебно-методические пособия, грамоты, товары для праздников и многое другое.
Одной из ключевых направленностей нашей деятельности является разработка и производство учебно-методических пособий. Мы создаем образовательные материалы, которые помогают учащимся успешно усваивать знания на различных...
%text%