Паровоз

«Көңілді көліктер» топтамасындағы татымды әңгімелердің бірі – Ұзыншора есімді паровоздың басынан кешкен оқиғасы. Бүлдіршіндер паровоз, жеңіл автокөлік, мотоцикл, автобус, шағын автобус, кеме, джип секілді кейіпкерлермен кездесіп, паровоздың атқаратын қызметімен танысады.
Ұзыншора – өте еңбекқор паровоз. Сондықтан бәрі оны жақсы көреді. Оқиғаның жас оқырмандарды баурап алатыны сондай, олар «енді не болар екен» деп, әңгіменің аяғын ынтыға күтеді. Ондағы кейіпкерлер, шынында да, жаны бар көліктер секілді оқырманның назарын еріксіз өзіне аударады. Кітап кішкентай балаларға біреуге көмектесу үшін қиындықтардан қорықпауға үйретеді. Кейіпкерлердің бойынан әдептілік пен жауапкершіліктің, қайырымдылық пен көпшілдіктің, адалдықтың үлгі-өнегесін көреміз.