Адамзат өткен ұзақ жол

Қазақстанның еңбек сіңірген қайраткері, белгілі ғалым әрі жазушы Қойшығара Салғараұлы бұл кітабында қазірде «түркітектес», «түркітілдес» деп танылып жүрген халықтардың тарихына қатысты әлем халықтарының мифологиясындағы тарихи, тілдік деректерді және көне жазба мұралар берер мәліметтерді бүгінгі археология, лингвистика, генетика, тарих ғылымдарының жетістіктерімен сабақтастыра талдау арқылы осы кезге дейін айтылмай келген мәселелерге қатысты өзіндік жаңа, тың пайымдаулар жасайды. Автордың Африка мен Американың, Еуропа мен Азияның, мұхитқа жұтылған Атлантида мен Му құрлықтарының алғашқы тұрғындарының кімдер болғанын және адамзат баласы қол жеткізген тұңғыш өркениеттің отанын анықтаудағы ізденістері мен жетістіктері, бірінен-бірі асып түсіп жатқан ойлары мен тосын тұжырымдары оқырманды бірден баурап алады.