Өлгендер қайтып келмейдіер қайтып келмейді

Қазақ балалар әдебиеті классиктерінің бірі Бердібек Соқпақбаев — өз кезеңінің шындығын көркем бейнеленген шығармалары арқылы оқырман қауымның айрықша ықыласына бөленген қаламгер. Оның «Өлгендер қайтіп келмейді» романы — соғыс жылдарындағы қазақ халқының ауыр тұрмыс-тіршілігін, бастан кешкен азалы күндерін суреттейтін шығарма. Үш бөлімнен тұратын шығарманың басты кейіпкері — Еркін Мамырбаев есімді 15-16 жас шамасындағы бозбала. Оқиға, негізінен, Еркіннің өмір жолының ізімен өрбіп, болған жайттарға Еркіннің көзқарасымен баға беріледі. Автор бір ауыл адамдарының тіршілігі, оның ішінде бір үйдің, тіпті бір адамның тағдыры арқылы ауыр кезеңдегі өмір шындығын танытуды мақсат еткен.