Google қалай жұмыс істейді?

Қазіргі технологиялар заманында, кәсіпкерліктің қай саласында болсын, табысты болудың жалғыз жолы — ақылды да жасампаз адамдардың басын қосып, жаңа идеялар ойлап тауып, ізденіс пен дамуға қолайлы орта қалыптастыру. Оны қалай істеуге болады десеңіз, оның сырын осы кітаптан табасыз. Мұнда директорлар кеңесінің төрағасы Эрик Шмидт пен вице-президент Джонатан Розенберг алпауыт компания құрудың құпиясын ашып, ұжымдық мәдениет қалыптастыру, дарынды мамандарды тарту, инновация ойлап табу жайын бүге-шіге баяндайды. Google-дің сан салалы әлеміне енгізетін бұл еңбек қазақ тілінде тұңғыш жарияланып отыр. Бизнес туралы құнды ақпаратқа толы осынау кітап іскерлік әдебиетке жатса да, жетістікке ұмтылған кез келген жанға пайдасын тигізері сөзсіз. Озық технологиялық жетістіктерімен әйгілі компанияның тыныс-тіршілігі кімге болса да ой салады деген үміттеміз.