Мәмлүк

Белгілі кинодраматург; режиссер Ермек Тұрсыновтың «Мәмлүк» кинороманы XIII ғ. Мысырды (Араб халифаты) билеген ас-Захр Бейбарыс жайлы баяндайды. Кітап — автордың Таяу Шығыс елдерінің ерте Ортағасырлық тарихын ұзақ уақыт зерттеуінің нәтижесі. Дәл осы араб әлеміне сынақ болған кезеңде Ұлы Дала ұлы, замандастары Рукн-ад-Дин (Дін Тірегі) деп атаған Бейбарсытың жұлдызы жарқырады.
Романның әр жолында автордың інжілдік абыздар мен пайғамбарлардың, дін жолында азап шеккен әзіз жандардың соқпақтарымен жүріп өткені сайрап тұр. Әр сөзінде — көне жазбаларға түскен қарт тарихтың және осы заманғы тарихшы, діндар, дінтанушылардың еңбектерінің демі бар. Дәл осы дереккөздер автордың аңызға айналған дала ұлына деген көзқарасын қалыптастырып, оның ерекше образын сомдауға ықпал еткен.

Роман ғылыми-зерттеу жұмысы емес. Автор әдеби тәсілді шебер қолдана отырып еріксіз тұтқын, қатардағы жауынгерден әмірші, жеңімпаз колбасшыға айнала алған адамның азапты жолын көркем нанымды, психологиялық сенімді ете суреттеп, оның өмірінің көлеңкелі тұстарын ашып, тұлғасын таныта түседі.
Бұл кітап танымы бай оқырманды өзіндік ой қорытуға, дүниетанымын кеңейтіп, ізденуге итермелейді.