Бүлдіршінмен қалай тіл табысу керек?

2 мен 7 жас аралығындағы бүлдіршін кішкентай болғанмен, оның әлемі кішкентай емес. Ата-ананың қатесі де сол ― бала әлемін тым кішірейте қарайтынында. Бүлдіршін мен ата-ана арасындағы жанжал да осы түсініспеуден туындап жатады. Сол себепті бүлдіршініңіз тыңдасын десеңіз, әуелі оның жаны мен сезімін түсінуден бастау керек. Ол соншалықты күрделі де емес. Бестселлерге айналған бұл кітап ата-ана мен тәрбиешіге, бала күтуші мен әлдишіге, педагогтар мен психологтарға бүлдіршінмен арадағы ұғыныспау мәселесін шешудегі талай кілтипанды игеруге септігі мол.