Бұл кітап өзіне, өзінің отбасылық өміріне, айналысып жүрген шаруасына, тапқан табысына, жақындарына, күйеуіне көңілі толмай, күш-қуаты азайып, тез шаршап жүрген қыз-келіншектерге арналады. Өмірде түрлі мәселеге тап болып, шешімін таппай қиналып, күйзеліске ұшырап, сәтсіздікке ұрынған әйел затының жалғыз еместігін, оған барлық тараптан қолдау бар екендігін ашық дәлелдейтін таптырмас құрал.
Қыз-келіншектерге арналған осы кітаптың басты ерекшелігі — бірнеше бағытты қамти отырып, психология, мотивация, тұлғалық даму және өзімен жеке жұмыс істеу бойынша көптеген кеңес беру. Тек теориялық кеңес беріп қана қоймай, іс жүзінде оқырманды шынайы нәтижеге жеткізу.
Алматы әйелдер орталығы — қыз-келіншектердің жан-жақты даму академиясы, ол — саналы және сапалы өмірге, қыз-келіншектердің денсаулығы мен жан саулығына жол бастаушы бағдаршам.
АӘО — Қазақстан бойынша ерекше форматтағы еліміздегі ауыл, қала, аймақты ғана емес, әлемнің түкпір-түкпіріндегі қазақ тілді қыз-келіншектерді тұтас сауатты ақпаратпен қамтып отырған аналогы жоқ орталық.
Оның негізі 2018 жылы қаланды. Бүгінге дейін орталықтағы мамандар ұйымдастырған курстар мен марафондарға 260 мыңнан астам шәкірт қатысты. Әр қатысушы жоғары нәтижелер көрсетіп, өмірлік құндылықтарды бағалауды түйсініп, өзіндік көзқарастарын қалыптастырды.
Білімге толы орталығымызда — әр күн, ай, апта сайын отбасы, бала тәрбиесі мен жеке қарым-қатынас, қаржылық мәселе, рухани әлем, жалпы өмірде маңызы зор кез-келген салаға қатысты ақылы және тегін курстар өткізіледі. Сондай-ақ, көптеген пайдалы ақпараттарды күнделікті әлеуметтік желілердегі ресми парақашаларымызда бөлісіп отырамыз. Әр оқырманның жүрек түкпіріндегі сауалдарына жауап беріп, тікелей байланыс орнатамыз. Біз қоғам мәселесін қозғай отырып, жеке тұлғаның ішкі мәселесін реттеумен айналысамыз. Сондықтан Алматы әйелдер орталығына деген қыз-келіншектердің, нәзік жанды ханымдардың сұранысы ерекше.
АӘО аясындағы Лаура ханым мен Роза ханымның курстары мен марафондарына 265 000 қыз-келіншек қатысты.
(бонусов)
